مكرونه البيتزا
https://bth-alwaha.com/img/17064Gtekf.jpg
الطريقه :

الحشوه : شوحت صدور دجاج مقطعه قطع صغيره و تبلتها بملح وفلفل اسود و كمون و بابريكا و اوريجانو و فصين ثوم 
لما يستوي الدجاج نضيف الخضار ماشروم و بصل ابيض و فلفل رومي ملون مانشوح الخضار كثير عشان نحافظ على الوانها زاهيه 
-نسلق المكرونه و نخلطها مع صوص بشاميل ، او كريمه خفق مع قشطه زي ما تحبو
-نجيب صينية التشيزكيك و ندهن الحواف بمسحه زيت عشان مايلصق ..

-اول طبقه المكرونه بعدين نمسح طبقه المكرونه بصلصه البيتزا الجاهزه و نرش تششيييز و بعدها حشوه الدجاج و نعيد الطبقه نفسها مرره ثانيه و اخر شي الوجه نرشو بجبنه موزاريلا..

-ندخل الصينيه في الفرن ١٥ دقيقه درجه الحرارة ١٥٠ْ بس تسيح الجبنه و يصير الوجه ذهبي  
-قبل ماتفتحو القالب مررو السكين ع الحواف عشان لو كان في شي ماسك في الصينيه و افتحو القالب و بالعافيه عليكم ♥️♥️


========================
فطائر باللحم 
https://bth-alwaha.com/img/1706SF37sR.jpg
العجينة :
كاستين دقيقة
٤ ملاعق حليب بودرة
ملعقة صغيرة سكر
ملعقة صغيرة ملح
ملعقة كبيرة خميرة فورية
٥ ملاعق كبيرة زيت نباتي
بيضة وحدة
ربع كوب ماء دافي ء
نخلط مكونات العجينة ونغطيها ونتركها تخمر لمدة نصف ساعه
مقادير الحشوة
لحم مفروم محمر بالطريقة المعتادة
بصل اخضر مقطع
طماطم مقطعه
كزبرة مفرومة
صوص طحينة سائلة من طحينة طعمة

 ========================================

بان كيك بالبطاطس لذيذه و سهله  
https://bth-alwaha.com/img/1706pKoXVl.jpg
اول شي نسلق البطاطس و نهرسها بعدين نضيف عليها جزر مبشور و بصل اخضر مقطع و فلفل رومي و حبه بيض مخفوق و ٣ ملاعق دقيق ابيض و ملعقه صغير بيكنج بودر ، وتبلتها بملح و فلفل اسود و بابريكا و بودره ثوم و بصل  
نخلطهم كويس و نسويها زي شكل البان كيك ..

بعدين نغطي البطاطس بالدقيق و نشوحها في طاوه مع شويه زيت زيتون و نقلبها الين تتقمّر و يصير لونها ذهبي 
نجي للصوص الابيض : ٣ ملاعق زبادي روب ، ملعقيتين مايونيز ، و شويه خردل و شطه و عصير ليمون و نخلطهم تمام 
بعدين نرتبهم فوق بعض و نصب الصوص عليهم و ممكن تزينوها ببصل اخضر و جزر و طماطم كرزيه



========================================
 حلا طبقات الاوريو
https://bth-alwaha.com/img/1706qH61G3.jpg
في الخلاط 
٦ حبات حبات جبنه كبري او كريم تشيز

نص علبه حليب مكثف محلى

ظرف كريم كراميل

ظرفين دريم ويب "بس انا استخدمت كريمه خفق "

علبه قشطة

قطره ڤانيلا

نخلط المكونات ذي كلها مع بعض الين يصير قوامها سميك.

نجيب بسكوت ماري و نغمسه في الحليب "الحليب حطيت عليه ملعقه كاكاو باودر و رشه نسكافيه.

نصف طبقه من البسكوت و فوقه نص الخليط الي خلطناه و فوقه كمان طبقه من البسكوت ..

و باقي الخليط نحط عليه ٦ حبات اوريو مكسر و كاكاو بودر او نوتيلا و نخلط ..

نصب خليط الاوريو ع البسكوت وممكن تضيفو طبقه ثانيه من البسكوت لو بقي من خليط الاوريو و اخر شي زينته بالاوريو
اخر شي ندخلها الثلاجة ساعه أو ساعتين 
وبالعافيه عليكم مقدما ♥️♥️

 ==========================================