مفيدة احمد اللويف
بعض الشباب لم يتقبل ماطرحه السيد منير الخباز (حفظه الله) في محاضرة الليلة الثانية عشرة من المحرم حيث كان الموضوع عن حكم شرعي و هو نفقة الزوج على زوجته الموظفة وقد انتشرت رسالة في الواتس اب لشخص ضد اسلوب السيد منير (حفظه الله) وكان آخر الرسالة مكتوب فيها: (اتقي الله سيدنا بسببك اختلفت مع شريكة حياتي الطويلة.. بسببك بدأ يتحطم بيتي المستقر .. بسببك ذهب الأولاد بين مؤيد وناصر... تأكد من خطابك ولغة جسدك قبل أن تتحدث ...) تم ارسال هذه الرسالة في قروبنا نحن الموظفات (قروب تبادل الخبرات الصحية) و قد طلبت مني احد الأخوات بأن انقل ردودهم على تلك الرسالة.
ردت أحد الأخوات بقولها: (اَي لازم يتقي دام السالفة ضدهم استغفر الله بس هو قال لو كانت مليارديرة الكبر والعظمة لله كلنا للتراب ومن التراب خُلقنا)
رد آخر: (اختلف مع شريكة حياته لانه فاكرها بنك و الحين وقف عنه الإمداد لا و طالب بحقوقه المديونية الشرعية)
و كان رد أخرى:( ام ........ طفح الكيل معاها مسكينة😄)
و ترد أخرى بقولها: (شكله طفح و فاض من جد يستغفلو البنات و المجتمع حتى اولادهم يستغفلوهم ١ او ٢ من ١٠٠ اللي طبيعين على شرع الله كلهم استغلال)
ايضاً تقول أخرى: (لو السيد قايل إليهم عن تعدد الزوجات وتزوجو اربع كان ماقالو خرب بيوتهم)
و زميلة اخرى تقول: (صحيح صالحين كان مازاد نسبة الطلاق كل واحد باق فلوس مرته وطلقها واذا صارت مشاكل وطلبت الطلاق لازم تاخد قرض وتعطيه اياه عشان يطلقها ويفكها والله قصص الطلاق اللي سمعتها من البنات واجد وكل وحدة شكل)
ترد أخرى بقولها: (الي يجي يتكلم أول يعرف بنفسه وبعلمه ويقارن درجة أجتهاده بالسيد اذا وصل زيه بعدين ننظر لكلامه اذا طلع منقول صحيح)
ايضاً تختتم الزميلة (ن) بقولها: (الرجال كله يفهمونها من جهتهم فقط ولمصلحتهم ..كلام السيد ف محله وماله حق يطرح موضوع كامل يأنب السيد ع كلامه..
السيد لما تكلم اكيد اتكلم مو مم فراغ اكيد كثرت الحالات الي تجيهم لاصلاح ذات البين بخصوص هذا الموضوع.. ومستوي السيد فوق كلامك ابو ...... واكيد بيتكون كذا لغة الجسد تبعه لما تمر عليه من حالات طلاق بسبب موضوع هذا .. ابو ....... زوجتك اذا بتعطيك بتعطيك من رضاها وكرمها اكيد صار مشاكل بينكم لان مو مخلين شي من راتبها .. المراة اصلا اذا شافت اسرتها محتاجه بدون مااحد يقوله ليها هي تصرف من جيبها . . عذرا ابو ..... كلامه مو محله ونحن معشر النساء فهمنا مقصد السيد بضبط ولي صار له مشاكل بسبب كلام السيد اكيد مو متفاهم اصلا مع زوجته في نفقة البيت والاولاد..)
...
